Veŝtoj flavaj Akto 5

     Sabaton, la 15an de decembro la kvinan fojon la Veŝtoj flavaj manifestaciis.

      Pasintan lundon finfine parolis la Prezidento Macron. Ĉiuj atendis tiun momenton kaj nombraj estis tiuj kiuj ne komprenis kial li rifuzis paroli al la Francoj. Verŝajne li esperis vidi la malgrandiĝon de la manifestantaro. Vane! Devige li ne plu povis atendi. Do li parolis!

     Per drama tono li unue alparolis al la huliganoj kaj ŝtelistoj kiuj perforte rompis montrofenestrojn, bruligis aŭtojn dirante ke tio estas netolerebla kaj ke la aŭtoroj de tiuj perfortoj estos severe persekutitaj. (Mi dubas pri la efiko de tiaj paroloj!)

                                               Manifestciantoj antaùu la Prefektejo en Caen

     Poste li anoncis ke la salajro de la laboristoj kiuj ricevas la minimuman salajron (S.M.I.C.) estos pligrandigita je 100 eùrojn ekde la komenco de 2019 (tio estis tute ne antaŭvidebla, laŭdire pro malapero de multaj entreprenoj).

     Due li anoncis ke ekde 2019 la suplementaj horoj faritaj de la laboristoj estos pagotaj sen impostoj (tiun antaŭan dispozicion la nuna gubernio nuligis). Ankaŭ li diris ke la suplementa imposto por la pensiuloj kiu ricevas malpli ol 2000 eŭrojn da monata pensiono estos nuligita.  

     Tamen "la Prezidento de riĉuloj" ne volas restarigi la imposton pri la riĉeco! Tiun imposton la deputitoj nuligis tuj post la elekto de la nova Nacia Asembleo. Kaj poste?

    La ĝenerala sento de la Veŝtoj flavaj (kaj ne nur ili!) estas ke "la kalkulo ne estas!" "Nesufiĉa!". "Li mokas nin!". "Ni nenion maltenos!. "Macron demisio!".

 

     Feliĉe ne okazis multe da perfortoj dum tiu akto 5. La policanoj, ĝendarmoj kaj specialaj brigadoj estis tiel nombraj kaj la manifestaciantoj malpli nombraj ol la du antaŭaj akto ke perfortoj estis tuj bremsitaj.

    Jam estas anoncita la akto VI, la 22an!

Nova tramo (3)

    Preskaŭ ĉiutage mi promenadas sur la lokoj kie okazas la diversaj laboroj en la centro de la urbo.

       Mi revenis sur la placo Sankta-Petro kiun mi jam prezentis en la unua raporto pri la nova tramo. Nenio rimarkinda por mi krom tiu ilo. Ĝi similas al granda polvosuĉilo. La laboristo havas enmane aparaton por gvidi la dikan tubon.

       Turnante tiu tubo fosas la teran kaj ŝtonan terenon kaj suĉas ĝin samtempe. Vere efika ilo kiu grande ŝparas la homajn fortojn!

      Pli malproksime sur la parto kie la reloj estas metitaj mi vidis neniun laboriston. Jam rustiĝis tiuj reloj.

      Mi malkovris tiujn ŝtonojn ĉirkaŭ la platanoj sur la avenuo de la 6an de junio. Restos malmulte da tero ĉirkaŭ ĉiu arbo!

        Ĉi tie troviĝas mallarĝa pasaĝo kun betono inter la reloj. Evidente ne estos herbo sur tiu ĉi parto. Kaj kion inter la betono kaj la trotuaro?

      Daŭrigante mian iradon laŭ la tramlinio mi trovis tiun maŝinon kiu moviĝas sur la reloj. Ĝi estis fosante la terenon ĉe la maldekstra flanko de la reloj.

    

       Iom pli malproksime mi trovis alian pasaĝon sur kiu neniu herbo kreskos. Sed ĉi tie pavimoj anstataŭas la betonon. 

      Ĉu betono, ĉu herbo alvenos en tiu ĉi parto? Nenio permesas hodiaŭ scii la respondon! Daŭrigota!

Marŝo por la planedo

     La saman tagon, sabaton la 8an de decembro, alia manifestacio okazis en Francio : en Parizo, Liono, Bordozo ... kaj en Caen.

         La manifestacio de la Vestoj flavaj okazis matene dum la alia okazis posttagmeze. En tiun-ĉi manifestacion mia edzino kaj mi partoprenis.

      Temis pri civita marŝo por la klimato. Ĉar nuntempe en la pola urbo Katowice

oni parolas pri la klimato dum la COP 24. Estroj, gubernestroj, ministroj aŭ simplaj delegitoj de nombraj landoj diskutas.

                                                                Stop al klimata krimo

      Ĉu vi memoras? Fine de la COP 21 kiu okazis en 2015 en Parizo ĉiuj partoprenantoj subskribis solenan dokumenton. Ĉiuj landoj promesis fari sian eblon por malpermesi pli ol 2 gradoj de la klimata revarmiĝo de la planedo antaŭ la fino de la jarcento.

       Tri jarojn poste kion oni konstatas? Usono eliris el la akordo de Parizo dum tiu lando estas unu el la du landoj kiuj pli multe polucias! Usono kompreneble sed ankaŭ la aliaj landoj, inkluzive de Francio, ne atingis la esperatajn celojn. Anstataŭ malpliiĝi, la produktado de CO2 plialtiĝis! La infanoj rajtas sin demandi kian planedon ili ricevos de la nunaj plenkreskuloj!

                                                    "Marŝo por la planedo" en Caen

         La manifestaciantoj estis tre kvietaj marŝante sur la stratoj kie la Vestoj flavaj marŝis kelkaj horoj antaŭe. Cetere kelkaj el la Veŝtoj flavaj rekuniĝis kun la planeddefendantoj.

     

         Okazis neniu perforto, neniu alfrontiĝo kun policanoj en Caen dum tiu longa manifestacio. Same en la aliaj urboj, eĉ en Parizo. La defendantoj de la planedo ĝenerale estas pacemaj homoj. Laŭ la Prefektejo de Caen, tiu ĉi posttagmezo,  ili estis pli nombraj sur la stratoj de nia urbo ol la Veŝtoj flavaj matene.

      

Akto 4

                                            
                            Sabaton, la 8an de decembro 2018, akto 4

     Frumatene sub la fenestroj de nia apartamento mi vidis homojn kiuj direktiĝis al la placo de la teatro. Trankvile ili amasiĝis sur tiu placo antaŭ defili sur la stratoj en la urbocentro de Caen.

     Bonŝance en nia urbo la manifestaciantoj restis tre kvietaj, nur kriante sloganojn kontraŭ la gubernio kaj la Prezidento Macron.

        Ĉi tie, antaŭ la centra poŝtoficejo kaj apud la Prefektejo, parto de la manifestantaro staris fronte al la ĝendarmoj (maldekstre sed ne videblaj) kaj kriis la sloganojn. Kelkaj levis la pugnon kriante sian koleron. 

      La plej multo daŭrigis sian vojon sen priatenti la ĝendarmojn. Vidante tiun foton oni rimarkas la trankvilajn mienojn de la homoj. La titolo sube de la foto diras: "Veŝtoj flavaj, kvietaj kaj decidemaj". Bedaŭrinde en Parizo kaj aliaj pli malpli grandaj urboj perfortoj okazis fare de huliganoj.

       Ekster la urbo "Vestoj flavaj" invadis grandan komercan centron. Ili unue malpermesis la aĉetadon de la klientoj kiuj jam estis en la magazenoj kaj poste malpermesis la eniron de aliaj alvenantoj. Tiam la direktoro devis fermigi la magazenon.

     Amasiĝoj de Vestoj flavaj okazis ankaŭ en multaj urboj, eĉ urbetoj, sed feliĉe sen perfortoj samkiel en la grandaj urboj. Ekzemple en la urbo Saint-Lô en la najbara departamento. Vidu kiel kvietaj estas tiuj ĉi homoj!

                                             Aliloke en la sama urbo Saint-Lô

       Ne nur en la urboj mem agis kaj daŭre agas la Veŝtoj flavaj. Ekster la urboj ili instalis baraĵojn sur la vojoj mem aŭ pli ofte sur gravaj interkruciĝoj. Tie ili laŭvice restadas tage kaj nokte de tri semajnoj. Ili bruligas plataĵojn por sin varmigi kaj loĝantoj donas manĝaĵojn al ili. Ili ne volas liberigi la lokojn sen pozitivajn decidojn de la gubernio.

      Tiuj Veŝtoj flavaj haltigas la aŭtojn kaj provas klarigi al la ŝoforoj kial ili tiel longe ĝenas la trafikon. Se oni havas sian flavan veŝton videbla ie ajn en la aŭto oni facile revojiras. Ĉiuj prioritataj veturiloj rajtas transiri la baraĵojn. Kelkfoje streĉita ŝoforo nervoze volas perforte revojiri aŭ ne volas halti okazante vundojn al la starantaj personoj.

       Ĉiuj nun, Vestoj flavaj aŭ ne Veŝtoj flavaj, senpacience atendas fortajn anoncojn de la Prezidento Macron por ke la plej malriĉaj laboristoj, pensiuloj ...povu digne vivi.

     (Mi mem ne partoprenis en tiujn manifestaciojn. Mi nur fotis la ekranon de mia televidilo! Tio klarigas kial la fotoj ne estas tre belaj!)

Granda ĥaoso (2)

       Mi ankaŭ povas paroli pri aliaj temoj kiuj klarigas kial tiom da Francoj koleras kontraŭ Emmanuel Macron kaj lia gubernio.

                                    01-12-18  Paca manifestacio en malgranda normanda urbo

- pro altiĝo de iu imposto kiu laŭdire rilatas kun "solidareco inter la homoj" (CSG=Kontribuaĵo Socia Generaligita) la pensioj de la pensiuloj malaltiĝis. (mi ekzemple perdas 45 eŭrojn ĉiumonate)

- multaj loĝantoj en la malgrandaj urboj kaj en la kamparo pagas siajn impostojn sed vidas ke : 

       - proksima hospitalo malbone funkcias pro manko de dungintaro

       - lernejoj perdas klasojn aŭ finfine fermiĝas

       - pro fermo de loka akuŝejo gravedaj virinoj devas malproksime veturi por

         akuŝi

       - trajnliniojn oni forigis precipe tiuj kiuj permesis vojaĝigi la kamparanojn

       - same malaperis malgrandaj poŝtoficejoj ...

                                                01-12-18   Antaŭ Monto Sankta-Mikaelo

     Dume oni diras ke la nombro de riĉuloj senĉese pligrandiĝas, ke ili ĉiujare iĝas pli kaj pli riĉaj, ke la akciuloj de la grandaj firmaoj havas ĉiam pli kaj pli grandajn profitojn sed...

 kiam la laboristoj (danke al kiuj la akciuloj havas tiajn profitojn) petas ke iliaj salajroj ankaŭ plialtiĝas ... la estraraj kunvenoj de tiuj entreprenoj rifuzas!!!

     Kompreneble mi ne kapablas detale klarigi ĉiujn motivojn de la "Veŝtoj flavaj" despli ke ĉiuj ne havas la samajn. La plej grava sendube estas ke tiu popola ribelo ricevas la aprobon de proksimume 80% de la loĝantaro, ne nur de la laboristaro! 

                                         01-12-18    S.O.S,  piede de Monto Sankta-Mikaelo

    Kion respondas la aŭtoritatoj fronte al tiu grandega kolero? Kvazaŭ nenion! La ĉefministro asertas ke lia gubernio daŭre gardos sian irdirekton. La ministro pri la Internaj Aferoj minacas dirante ke pli da ĝendarmoj kal policanoj malpermesos la perfortojn. Kaj la Prezidento Macron? Kion li diras? NENION!

    Ĉu Francio travivos kvaran teruran sabaton?

    Vi eble rimarkis ke mi elektis ĝis nun fotojn de pacemaj manifestaciantoj. Male la televido ne faris la saman elekton!

       Mi fotis mian televidekranon kaj prezentas nun nur kelkajn bildojn, forĵetante la bildojn de perfortoj. Mi lasas vin ilin vidi sen komentoj.

 

Granda ĥaoso (1)

     Sabaton, la 17an de novembro okazis en Francio granda manifestacio, manifestacio de la "Veŝtoj flavaj". En multaj urboj kaj precipe sur la grandaj vojoj, aŭtoŝoseoj, eniroj de grandaj komercaj surfacoj ... homoj vestitaj de siaj flavaj veŝtoj amasiĝis por malpermesi normalan iradon kaj eniron. Aŭtoj, kamionoj, busoj ... kelkfoje restis senmovaj pluraj horoj.

                                 01-12-18         Sur la avenuo de la 6an de junio en Caen

     Dum la sekva semajno samaj manifestacioj de la "Veŝtoj flavaj" okazis, malpli nombraj sed tre malagrablaj por tiuj kiuj laboris. Kaj denove, sabaton, la 24an, sama granda manifestacio okazis, precipe en Parizo kie la manifestaciantoj invadis la avenuon "Champs Elysées". La unua manifestacio, krom kelkaj bruligitaj pneŭoj kaj lignaj ŝarĝplataĵoj, okazis ĝenerale sen perfortoj. Bedaŭrinde la 24an okazis alfrontiĝoj inter la policanoj kaj ekscititaj "Veŝtoj flavaj". Avenis ankaŭ huliganoj kun siaj kutimaj celoj: frakasi aŭ bruligi ion ajn survoje kaj batali kontraŭ policanoj.

 

                                     01-12-18   Sur la avenuo de la 6an de junio, en Caen

        En Parizo la damaĝoj estis grandaj. Montrofenestroj de magazenoj rompitaj, tabloj kaj seĝoj de teraskafejoj ĵetitaj en fajrego. Ankaŭ pluraj dekoj da vunditaj ambaŭflanke! Ankoraŭ pli terura estis la manifestacioj kiuj okazis la trian sabaton, la 1an de decembro. Se la manifestaciantoj estis malpli nombraj ili estis pli ekscititaj, pli batalemaj ol antaŭe. Ankaŭ alvenis pli da "profesiaj rompistoj", aŭ huliganoj kun materialo por frakasi kaj bruligi tion kion ili povus. Ĉar la policanoj kaj ĝendarmoj malpermesis atingi la avenuon "Champs Elysées", ili invadis aliajn stratojn kaj agis! Terurajn bildojn oni televide vidis de tiuj perfortoj en Parizo. Kvazaŭ samkiel okaze de civita milito!

   

                                                              01-12-18  en Caen

       Ĉi-lastan sabaton tiaj perfortoj bedaŭrinde ankaŭ okazis en pluraj aliaj urboj. Feliĉe en Caen la manifestaciantoj restis tre pacemaj. Ili trankvile marŝis en la centro de la urbo, nur kriante sian koleron. Tio videblas sur la supraj kaj subaj fotoj. Sed kial do tiuj "Veŝtoj flavaj" koleras? Ili havas multajn kialojn por manifestacii sian malkontentecon.

                                               01-12-18  Antaŭ la municipa teatro de Caen

      Kutime malkontenteco naskiĝas pro unu ĉefa kialo kiu koncernas unu aŭ du kategorioj de laboristoj. Sindikatoj organizas la manifestaciojn, agnoskitaj delegitoj povas diskuti kun la gubernio aŭ la patronoj de kompanioj, entreprenoj aŭ uzinoj. Tiukaze la kolero naskiĝis ekstere de ĉiuj sindikatoj, sen la kutimaj interparoloj kiuj permesas antaŭvidi la eblajn konsekvencojn. La unuaj alvokoj fare de ordinaraj civitanoj troveblis sur la sociaj retoj. Ili rapide ricevis grandan aprobon de ĉiuj personoj, malfeliĉaj pro unu aŭ alia kialo.

                                                   01-12-18  Antaŭ la teatro de Caen
      Tiamaniere naskis la kontesta movo. Sen ĉefoj, sen organizantoj, sen reguloj, sen agnoskitaj delegitoj kaj ...sen limoj! 
    Mi provos skribi la kialojn de la ĝenerala malkontenteco. 

- la gubernio altigis la taxojn pri la karburaĵoj kaj volas denove altigi ilin la 1an de januaro (laŭdire por helpi la ekologian transiron; fakte nur etan parton)

- la gubernio decidis, sen vera koncerto, malaltigi la rapidecon de la veturiloj je 80km/h anstataŭ 90 sur la sekundaraj vojoj 

                                                "Sufiĉas la taksioj!"  "Veŝto flava" en Caen

- la gubernio abrupte malaltigis la monhelpon je 5 eŭroj por ĉiuj kiuj sen tia helpo (jam tro malgranda en la grandaj urboj) ne povas vivi en apartamenton  (temas precipe pri la studantoj)

- samtempe la gubernio estis nuliginta grandan parton de la impostoj pri la riĉeco por la riĉuloj; tiu volo de la Prezidento Macron aparte malplaĉis al la ordinaraj civitanoj!

                                  "Macron, kristnaska paĉjo de la riĉuloj, malamiko de la popolo"

- dume aliaj riĉuloj por ne pagi impostojn en Francio translokiĝis en aliaj landoj kie la impostoj estas malpli altaj (Svislando, Belgio, Luksemburgo...)

- dume ankaŭ internaciaj kompanioj, danke al financaj elturniĝoj pagas en nia lando impostojn malpli grandajn ol malgrandaj lokaj entreprenoj! (temas pri Google, Amazon, Facebook...)

- ... 

Aliaj laboroj (3)

     Ni restas en la sama loko, la plej proksima de mia loĝejo. Ĝi estas por mi la plej oportuna loko por sekvi la progresojn de la laboroj en la urbocentro.

     Mi parolis pri la malfacilaĵoj koncerne la trafikon de la aŭtoj en la urbocentro pro la laboroj. Ne nur la aŭtoj havas problemojn.

           Ankaŭ la piedirantoj havas kelkajn problemojn. Foje ili devas paŝi sur ponteto  super la strato ne ankoraŭ preta (unua foto).

      Aliloke la piedirantoj sekvas itineron inter la ruĝ/blankaj bariloj sur la betono de la trotuaro kiu atendas siajn pavimojn (dua kaj tria fotoj).

         Mi revenis proksime de la laboristoj kiuj metas la pavimojn sur la trotuaroj.
      

      Temas pri delikata laboro. Kiam la anguloj ne estas ortaj, unu el la viroj devas tranĉi pavimon per cirkla segilo por havi la ĝustajn formon kaj mezurojn.

     Kelkfoje tiu laboristo grumblas kiam la tranĉita pavimo ne taŭgas! Ĉu ĝi estas tro granda, ĉu ĝi estas tro malgranda por taŭge lokiĝi en libera triangulo.

   Io surprizas min. Sur tiu trotuaro kiu postulas longan tempon por pavumi la tuton mi vidis nur maksimume tri laboristoj. Inter tiuj tri nur du pavumas!

     Ili bone laboras sed mi demandas min kiam ni vidos la finon de tiuj laboroj en la centro de nia urbo?