En Voltera

    

      Ni daŭrigas nian vojaĝon en Toskanio. Post Pisa (Pizo), ni vizitis la malgrandan urbon Volterra (Voltera). Ĝi situas meze de montetoj en la koro de Toskanio. Tiu antikva urbeto unue etruska, poste romia kaj mezepoka konservis sian ĉirkaŭremparon.

          La unuaj du fotoj montras la "Piazza dei Priori" (Placo de prioroj). Ĝi estas ĉirkaŭata de severaj palacoj kiel tiu palaco Pretoria (13a jarcento).

    Sed Voltera ankaŭ famas ĉar sur ĝia teritorio oni malkovris etruskajn tombojn kaj aliajn ruinaĵojn.

                                           Etruska cindra urno

 

     Ni vizitis la etruskan muzeon de la urbo kie troviĝas pli ol ses cent cindraj urnoj, precipe el alabastro kaj multaj tre admirindaj malgrandaj skulptaĵoj el bronzo.

         Mi lasas vin rigardi kelkajn el tiuj trezoroj.

                                        Supra parto de cindra urno

                                        Malsupra parto de urno
 

                                    Mordaĵoj (enbuŝaĵoj) por ĉevalo

     Pri tiu eta skulptaĵo el bronzo, eble kvin aŭ ses centimetroj alta, mi memoras nenion ! Ne gravas, ĝia beleco sufiĉas, ĉu ne ?