Veŝtoj flavaj, Akto 8

       En Francio la nova jaro 2019 komencis same kiel la malnova finiĝis!!!

                               Veŝtoj flavaj Akto 8 en Caen

     Okaze de la jarfinaj festoj la Veŝtflavaj manifestacioj iĝis pli kvietaj kaj malpli nombraj ol la antaŭaj. Tamen la organizantoj promesis denove manifestacii tuj ekde la komenco de la nova jaro.

                                                  "Macron trudas! Francio eksplodas!"

     Kaj efektive okazis la akto 8, sabaton la 5an de januaro! Mi ne estis surloke sed mi fotis la ekranon de la televidilo. Videblis la manifestacio en Caen. Matene la marŝantoj estis sufiĉe trankvilaj kiam ili komencis marŝi.

     Posttagmeze, dum la plimulto de la manifestaciantoj jam foriris post la marŝado en Caen, grupo da ekscititaj personoj restis en la centro de la urbo. Ili intencis fari malbonajn agojn sur la avenuo de la 6an de junio sur kiu la nova tramo baldaŭ funkcios.

      Mi ne scias kiamaniere la aferoj komencis. Ĉu la policanoj volis perforte forigi la restantajn Veŝtojn flavajn? Ĉu kelkaj inter ili komencis bruligi aĵojn restintaj sur la strato kie okazas la laboroj? La ĵurnalisto pri tio nenion klarigis.

      Vidante tiun ĉi foton mi timas! Por ne difektigi la arbojn sur la avenuo dum la laboroj, la laboristoj ĉirkaŭis ilin per lignaj tabuloj (vidu mian raporton "Nova tramo 2). Ŝajnas ke fajro brulas piede de arbo kaj tio estas stulta!

     Ne nur en Caen okazis perfortoj. En pluraj aliaj grandaj urboj kaj en Parizo, pacemaj Veŝtoj flavaj vidis alveni uliganojn kiuj havas ĉiam la saman celon: alfronti la policanojn, bruligi ion ajn, ŝteli kiam eblas!
   La prezidento Macron kaj la gubernio ĝis nun ne trovis taŭgan respondon por kontentigi la tre multajn postulojn de la manifestaciantoj!
   Jam estas anoncita la akto 9!